அய்யா வழி இயக்கம்

வைகுண்டசுவாமியின் காலத்தில் திருவிதாங்கூர் ( கன்னியாகுமரி மாவட்டம் உட்பட தென் கேரளத்தின் பெரும்பகுதி) மன்னராட்சியில் தாழ்த்தப்பட்ட சாதயினருக்கு ஒரு நீதியும், உயர்த்தப்பட்ட சாதயினருக்கு ஒரு நீதியும் வழக்கில் இருந்தன. தீண்டாமையின் காரணமாக ஒடுக்கப்பட்ட மக்கள் உற்ற துயரினைப் போக்க,

     “தாழக் கிடப்பாரைத் தற்காப்பதே தர்மம் ” – என்ற கொள்கையுடை  வைகுண்டசுவாமிகள் தனது “அய்யா வழி இயக்கத்தின் ” மூலம்,

v  சாதி சமயம் பொய்யானது.

v   உயிர்க் கொலை கூடாது.

v  கள் உண்ணலாகாது.

v  ஓரிறைக் கொள்கை உயர்வானது.

v  சிறு தெய்வ வழிபாடு தேவையற்றது.

v  அன்பு நெறியே உயர்வானது.

v  பெண்ணுரிமை.

v  அனைவருக்கும் கல்வி

போன்ற கொள்கைகளைப் பரப்பும் முகமாக ஊர்கள் தோறும் பதிகளையும், நிழல்தாங்கல்களையும் நிறுவி அவற்றை,

v  ஒளி வழிபாட்டுத் தலம்.

v  கல்விக் கூடங்கள்.

v  அறம் கூறும் அவையம்.

v  பசிப்பிணி அகற்றும் இடம்.

v  உடல் பிணி தீர்க்கும் இடம்.

v  சம  பந்தி போசனம் நடைபெறும் இடம்

என்று சமத்துவ சமுதாயத்தை மலரச் செய்ய அயராது உழைத்தார். இதன் காரணமாகப் பல எதிர்ப்புகளையம், அவமானங்களையும் எதிர்கொண்டு ஒடுக்கப்பட்ட மக்களுக்குத் தேவையான அடிப்படை உரிமைகளைப் பெற்றுக் கொடுத்தார். இதனால் ஒடுக்கப்பட்ட சமுதாய மக்கள்,

v  பெண்கள் தோள் சீலை அணிதல், பொன் நகைகள் அணிதல், இடுப்பில் குடங்களில் தண்ணீர் எடுத்தல்.

v  சமய நல்லிணக்கம் மேற்கொள்ளல்.

v   அனைவரும் கல்வி உரிமையைப் பெறல்.

v  அரசின் அடக்குமுறைகளிலிருந்து விடுதலை பெறல்

என உயர் சாதியனருக்கு நிகராக அனைத்து உரிமைகளையும் பெற்றுச் சமூகத்தில் மதிப்பும் மரியாதையும் பெற்றனர்.